غدیر روایات کی روشنی میں

غدیر روایات کی روشنی میں

غدیر عظیم الشان دن

حضرت امیر المو منین علیہ السلام :غدیر کا دن عظیم الشان دن ہے۔ (عوالم جلد ۳/۱۵صفحہ۲۰۹ )

 غدیر کے دن خوشی کا اظہار 

حضرت امیر المو منین علیہ السلام :اس دن ایک دوسرے سے خندہ پیشانی سے پیش آئیں اور ایک دوسرے سے ملاقات کرتے وقت خوشی کا اظھار کریں .(عوالم جلد۳ /۱۵صفحہ۲۱۵ )

 غدیر کے دن احسان کرنے سے برکت ہوگی

 حضرت امیر المو منین علیہ السلام :اس دن احسان کرنے سے مال میں برکت ہوتی اور اضافہ ہوتا ھے ۔(عوالم جلد۳ /۱۵صفحہ۲۰۹)

ہر نبیؐ نے عید غدیر منائی 

حضرت امام جعفر صادق علیہ السلام: خدا وند عالم نے کو ئی پیغمبر نہیں بھیجا مگر یہ کہ اس پیغمبر نے غدیر کے دن عید منا ئی اور اس کے احترام کو ملحوظ خاطر رکھا ۔(عوالم جلد ۳/۱۵صفحہ۲۱۴ )

 عید غید سب سے بڑی عید 

امام جعفر صادق علیہ السلام:عید غدیر عید اللہ اکبر یعنی خدا وند عالم کی سب سے بڑی عید ہے۔ (عوالم جلد۳ /۱۵صفحہ۲۱۱ )

غدیر کا دن سب سے افضل 

  حضرت امام جعفر صادق علیہ السلام: عید غدیر خم؛عید فطر ،عید قربان ،روز جمعہ اور عرفہ کے دن سے افضل ہے اور خدا وند عالم کے نزدیک اس کا بہت بڑا مقام ہے ۔(عوالم جلد۳ /۱۵صفحہ۲۱۲،۲۱۱،۲۱۰)

 غدیر سرور و خوشی کا دن  

حضرت امام جعفر صادق علیہ السلام: غدیر کا دن بزرگ اور عظیم دن ہے یہ دن عید اور خوشی و سرور کا دن ہے۔(عوالم جلد ۳/۱۵صفحہ۲۱۳۔الیقین صفحہ۳۷۲ باب۱۳۲ )

 غدیر محبوں کی عید 

حضرت امام جعفر صادق علیہ السلام:  روز غدیر وہ دن ہے جس کو خداوند عالم نے ہمارے شیعوں اور محبوں کیلئے عید قرار دیا ہے ۔(عوالم جلد ۳/۱۵صفحہ۲۱۳)

غدیر سب سے محترم دن 

 حضرت امام جعفر صادق علیہ السلام: شاید تم یہ گمان کرو کہ خدا وند عالم نے روز غدیر سے زیادہ کسی دن کو محترم قرار دیا ہے !نہیں خدا کی قسم نہیں ،خدا کی قسم نہیں ،خدا کی قسم نہیں! ( عوالم جلد ۳/۱۵صفحہ۲۱۵)

 غدیر کے دن کثرت سے صلوات پڑھو

حضرت امام جعفر صادق علیہ السلام:اس دن محمد و آل محمد پر بہت زیادہ صلوات بھیجو اور ان پر ظلم کرنے والوں سے برائت کرو ۔(بحا ر الانوار جلد۳۷  صفحہ۱۷۱ )

 غدیر شکر اور حمد و ثنا کا دن

حضرت امام جعفر صادق علیہ السلام :یہ دن خدا وند عالم کے شکر اور اس کی حمد وثنا کرنے کا دن ہے کہ اس نے تمہارے لئے امر ولایت کو نازل فرمایا ہے ۔(بحا ر الانوار جلد ۳۷صفحہ۱۷۰)

غدیر اہل بیتؑ کی عید

حضرت امام رضا علیہ السلام:یہ دن اہل بیت محمد علیھم السلام کی عید کا دن ہے ۔(عوالم جلد۳ /۱۵صفحہ۲۲۳)

عید غدیر منانے سے مال میں برکت

حضرت امام رضا علیہ السلام:جو شخص اس دن عید منائے خداوند عالم اس کے مال میں برکت کرتا ہے۔ (عوالم جلد۳ /۱۵صفحہ۲۲۳ )٭٭٭٭

غدیر چہاردہ معصومین علیہم السلام کی نظر میں

رسول خداؐﷺ: اے علیؑ! خداوند عالم نے آیت "یا ایھا الرسول بلغ ۔۔۔"کو تمہاری ولایت کے بارے میں نازل کیا ہے۔ اگر اس ولایت کو کہ جسے پہنچانے کا خدا نے مجھے حکم دیا نہ پہنچاتا تو میری رسالت باطل ہو جاتی۔ اور جو شخص خدا سے تمہاری ولایت کے بغیر ملاقات کرے اس کا کردار باطل ہے۔ اے علیؑ میں وحی خدا کے سوا بات نہیں کرتا۔( امالی شيخ صدوق، مجلس، 74، ص .400)

امام علیؑ: اے مسلمانو! اور اے مہاجرین و انصار! کیا تم لوگوں نے نہیں سنا کہ رسول خدا ؐنے غدیر کے دن کیا فرمایا؟۔کیا میرے علاوہ کوئی اور تمہارے درمیان ہے جس کے بارے میں پیغمبر خدا ؐنے فرمایا ہو: من کنت مولاہ ۔۔۔( اثبات الہداۃ، ۲؍۱۱۲؍۴۷۳؛مناقب ابن شہر آشوب،۳؍۲۵)

حضرت زہرا علیہا  السلام:بہت تعجب ہے!  کیا تم لوگوں نے غدیر خم کو فراموش کر دیا ہے؟

امام حسن مجتبیؑ : پیغمبر اسلام ؐنے میرے بابا کے بارے میں فرمایا: " انہ منی بمنزلۃ ھارون من موسی" اسی طرح پیغمبرؐ  نے بابا کو غدیر خم میں امام کے عنوان سے منصوب کیا ہے۔(امالی شيخ صدوق، ج 2، ص .171)

امام حسینؑ:( بنی ہاشم سے فرمایا:) کیا تم سب جانتے ہو کہ پیغمبر اسلامؐ نے امیر المومنین علی ؑ کو غدیر خم کے دن مقام امامت پر منصوب کیا؟ سب نے کہا: ہاں ، [اے فرزند رسول]۔(سليم بن قيس، ص .168)

امام زین العابدینؑ:(من کنت مولاہ۔۔۔کے ذریعہ)پیغمبر اسلامؐ نے لوگوں کو یہ خبر دی کہ ان کے بعد علیؑامت کے امام ہیں۔

(معانی الاخبار،۶۵؛ بحارالانوار،۳۷؍۲۲۳)

امام باقر ؑ: پیغمبر اسلامؐ نے فرمایا: امیر المومنین لوگوں کے درمیان میرے جانشین ہوں گے.(معانی الاخبار، ص .66)

امام صادق ؑ:ہر وہ چیز جس  کی انسان کو ضرورت ہے اس کا حکم خدا اور اس کے پیغمبر کی سنت میں موجود ہے۔ اگر سنت نہ ہوتی خداوند عالم کبھی بھی اپنے بندوں پر حجت تمام نہ کرتا۔خدا نے آیہ اکمال کے ذریعہ ولایت کو مکمل کیا اس سنت کے ذریعے اس نے حجت کو تمام کیا ہے۔ (تفسير برہان، ج 1، ص .446)

امام موسی کاظمؑ:( غدیر خم کی مسجد میں نماز کے بارے میں فرمایا:)اس میں نماز پڑھو اس لیے کہ اس میں نماز پڑھنے کی بہت فضیلت ہے اور بتحقیق میرے بابا نے اس امر کے لیے حکم کیا ہے۔(اصول كکافی، ج 4، ص .566)

امام رضاؑ: روز غدیر آسمان والوں کے یہاں زمین والوں سے زیادہ مشہور اور مقبول ہے۔ یقینا اس دن خداوند عالم مسلمان مرد و زن کے ساٹھ سال کے گناہوں کو معاف کر دیتا ہے اور دوبرابر زیادہ لوگوں کو ماہ رمضان کی نسبت ،جہنم کی آگ سے نجات دلاتا ہے۔ اگر لوگ اس دن کی قدر و قیمت کو جان لیتے تو بغیر شک کے ہر روز دس بار فرشتے ان سے مصافحہ کرتے۔(تہذيب الاحکام، شيخ طوسی، ج 6، ص 24، ح 52؛ مناقب ابن شہرآشوب، ج 3، ص .41)

امام محمد جوادؑ: پیغمبر اسلامؐ نے دس مقامات پر اپنے جانشین کی طرف اشارہ کیا اس کے بعد آیت "یا ایھا الذین آمنوا اوفوا بالعقود" نازل ہوئی۔(تفسيرقمی، ج 1، ص .160)

امام ہادیؑ:  خداوند عالم نے حکم دیا: «يا ايهاالرسول بلغ ۔۔۔، پیغمبر اسلامؐ نے لوگوں کو خطاب کیا اور ان سے پوچھا: کیا میں نے جو کچھ میرے ذمہ تھا تم لوگوں تک نہیں پہنچایا؟سب نے کہا: پہنچا دیا یا رسول اللہؐ۔اس کے بعد فرمایا: خدایا گواہ رہنا۔ اس بعد فرمایا: کیا میں مومنین پر ان کے نفوس سے زیادہ حق نہیں رکھتا ہوں؟ سب نے کہا: ہاں، یا رسول اللہ آپ رکھتےہیں۔ اس کے بعد علیؑکا ہاتھ پکڑا اور فرمایا: جس کا میں مولاہوں اس کے علی مولا ہیں۔۔۔(بحارالانوار، ج 100، ص .363)

امام حسن عسکریؑ:  اگر محمد اور آل محمد نہ ہوتے تم لوگ حیوانوں کی طرح سرگرداں گھومتے رہتے۔ اور کسی بھی فریضہ کی ادائیگی نہ کر پاتے۔ مگر گھر میں دروازے کے علاوہ انسان داخل ہو سکتا ہے؟ جب خداوند عالم نے پیغمبرؐ کے اولیاء کو معین کر کے اپنی حجت تمہارے اوپر تمام کر دی تو فرمایا: «اليوم اكملت لكم ۔۔۔۔ اس کے بعد اس نے اپنے اولیاء کے کچھ حقوق تمہاری گردنوں پر رکھے اور تمہیں حکم دیا کہ ان  کے حقوق کو ادا کرو تاکہ تمہاری عورتیں، تمہارا مال و دولت، خوراک و پوشاک تمہارے اوپر حلال ہو۔(علل الشرائع، ج 1، ص 249، باب 182، ح .66)

امام زمانہؑ:جب محمد رسول اللہؐ کا وقت پورا ہو گیا تو ان کی جگہ علی بن ابی طالبؑ نے لے لی ان دونوں پر اور ان کی آل پر تیری رحمتیں ہوں ، علیؑ رہبر ہیں جبکہ محمدؐ ڈرانے والے ہیں اور ہر قوم کے لیے رہبر ہے پس آپؐ نے جماعت صحابہ سے فرمایا: من کنتُ مولاہ فعلی مولاہ۔(دعائے ندبہ میں )